影片
更多
2023-12-09
58 瀏覽
星期五放工梗係要輕鬆下，公司附近啲泰菜已經食到悶悶地，同事即刻提升帶我去佢屋企附近嘅隱世泰菜試新野，即刻揸車出發gogogo。佢帶我去咗大美督村嘅「泰太廚房」，門口位置已經可以泊車，方便揸車人士，亦有露天座位方便成班朋友chill下，餐廳仲擺放咗一架篤篤車比人打卡影相，環境真係好正。門口旁邊仲可以廚師即席炭火燒乳豬同串燒，等下次成大班朋友黎一定要試吓佢哋嘅招牌燒乳豬。今晚點咗幾樣招牌菜，每樣份量都好大，啱晒大食嘅我～泰式炸蝦餅蝦餅彈牙，外面炸得酥脆香口，入口啖啖嘅蝦肉，鮮味又足料，記得一定要點上泰式辣醬，甜甜辣辣好開胃泰太咖喱蟹肉焗麵包（小霸王）必點嘅招牌菜！一大個圓圓嘅法包，外面烘得脆卜卜，切開裡面就係滿滿嘅咖喱蟹肉，加入切咗粒粒嘅洋蔥同青紅椒口感更加豐富，用麵包點上咖喱汁超級好食脆肉炒椰菜苗青脆嘅椰菜苗配上脆皮豬腩肉，脆肉肥瘦相間但一啲都唔油膩，經炸過後已經將油分逼出，特別有咬口，令炒菜帶有肉香，味道層次更加豐富正一飯桶（紅咖喱海鮮炒飯）用木桶裝嘅海鮮飯好吸引，超多海鮮，有大大隻嘅青口、魷魚、新鮮彈牙嘅大蝦，底下配上紅咖喱炒飯，米飯帶有椰汁嘅香味，份量十足，我地兩個人每人都食咗2碟
泰式炸蝦餅
蝦餅彈牙，外面炸得酥脆香口，入口啖啖嘅蝦肉，鮮味又足料，記得一定要點上泰式辣醬，甜甜辣辣好開胃
泰太咖喱蟹肉焗麵包（小霸王）
必點嘅招牌菜！一大個圓圓嘅法包，外面烘得脆卜卜，切開裡面就係滿滿嘅咖喱蟹肉，加入切咗粒粒嘅洋蔥同青紅椒口感更加豐富，用麵包點上咖喱汁超級好食
脆肉炒椰菜苗
青脆嘅椰菜苗配上脆皮豬腩肉，脆肉肥瘦相間但一啲都唔油膩，經炸過後已經將油分逼出，特別有咬口，令炒菜帶有肉香，味道層次更加豐富
正一飯桶（紅咖喱海鮮炒飯）
用木桶裝嘅海鮮飯好吸引，超多海鮮，有大大隻嘅青口、魷魚、新鮮彈牙嘅大蝦，底下配上紅咖喱炒飯，米飯帶有椰汁嘅香味，份量十足，我地兩個人每人都食咗2碟，超滿足
芒果沙冰
椰汁芒果冰
食泰國菜又點少得飲返杯泰國特色飲品，沙冰打得非常幼滑，芒果味道香甜，椰汁味夠香濃，正
📍泰太廚房 (大埔)
大埔大美督大美督村47號地下E號舖
人均消費：$200-300
食物：⭐️⭐️⭐️⭐️⭐️
環境：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
