板燒郎燒肉鐵板放題料理專門店 (已結業)

今日心情幾好就決定放開減肥既包袱去食一食放題，去到諗住咩都試下就劃劃劃，咩都叫啲，每款食物都叫1至2個order，諗住少少地每款試1、2嚿，點之1個人份量既order已經好大份，我眼都大埋，真係真係唔想浪費，於是努力食食食⋯食食下比我見到個牌+$88任食升級放題料理，嘩！都係我鐘意既食物，但！我冇加到⋯因為我已飽到不行了。蝦，蜆，青口等海鮮尚算新鮮，牛肉鮮味，我頗喜歡他們既刺身同壽司，新鮮美味，賣相亦好，唔會求其比個碟你裝住就算， 天婦羅，炸蠔等熟食也做得好，香脆可口，熱辣辣的，食物種類多，美味不錯，自命大食既朋友可以黎食餐勁。