北京水餃店 (已易手) 新餐廳

行開柯士甸小路食lunch，見到呢間大大隻字寫住北京水餃店，比佢門口啲煎餃香味吸引左，於是就走左入去試，地方比較細，不過有時迫迫地食下野感覺又幾有氣氛。坐底望下張餐牌，其實都唔平，可能始終尖沙咀區租金太貴關係，平均都要4，5十蚊一碗麵。叫左個大蔥羊肉餃，雖然都要50蚊一碗，不過都幾大碗，而家粒粒都好大粒好足料，如果要我一個人食，我諗我都未必食得哂。食果時仲要好小心，因為裏面好多汁，隨時飛到成面都係。另外叫左碗豬扒擔擔麵，麵口感彈牙，豬扒即叫即炸好新鮮，唔會有太多炸粉，食完唔會感覺太熱氣，不過我就覺得有小小偏咸。