哦吧OPPA & POCHA

營業中

休息中

元朗大西北有好食韓國菜，仲要好足料添!位置係有少少偏左D，不過係近YOHO架。先黎前菜幾碟，前菜反而又冇咩特別。呢個生醃章魚，口感超彈的，辣度就小辣到中辣左右。老闆娘話要配飯食，可以中和返小小辣。牛肉辣湯，超大碗的，個味好正宗，算是偏辣的。牛肉絲一疏疏，辣辣的味蕾好刺激。海鮮煎蔥餅，係勁大個，超足料。蔥都係勁密集的，唔多粉，同埋點佢個醬甜甜地勁好食。原味炸雞同甜酸炸雞都好食。炸粉唔厚，雞肉又好滑，甜酸炸雞更好食，食落仲有少少似肉桂味。食韓國食當然配韓國飲品，甜米水同梨汁都好飲，不過就比較甜的。