翠園雲吞麵店

營業中

休息中

睇食評比較多人讚既就係翠園同昌興麵家，之前已經試過昌興既水餃麵，今次就黎試翠園既雲吞麵。果然不負所望，大地魚湯底濃，有我最愛既韮菜，麵夠彈牙夠爽，雲吞料足，一粒入面應該有3，4隻蝦，蝦又夠爽又有鮮味，雖然食到後面麵沉耐左沉出左d鹼水味，但已經差不多食完，影響唔大。小店只有2個人營運，所以唔似快餐店咁30秒出餐，都要等5至10分鐘，剛剛煮出黎非常夠熱，呢個係湯麵既必要條件；又搵到間好食雲吞麵，非常滿足。