COBALT

營業中

休息中

早排同男朋友試左呢間餐廳，D野食大份又好味，午市食一個餐先1xx，就有齊餐湯/沙律+Main+餐飲，我地食到超飽😆❀餐湯及沙律❀呢日餐湯係椰菜花湯，有陣陣椰菜花香味，甜甜地；沙律菜新鮮又大份，好足料。❀蘭王蛋韃靼牛肉❀必試既韃靼牛肉，賣相好靚，牛肉唔太肥，好新鮮，口感滑嫩仲有濃濃蛋香味😋❀祖傳烤雞配黑松露野菌❀半隻大烤雞，烤到外脆內軟，切開會有肉汁滴出黎，食落好juicy，又有雞油香味。❀烤紐西蘭法式羊架❀羊架有3塊，肥膏唔多，揀左七成熟，望落粉粉地色咁，食落肉味濃郁，冇乜羶味。❀蘋果撻❀用上原塊蘋果製作，中間仲有少少nuts，食落酸酸甜甜咁，又唔會好膩。❀奶茶及檸檬茶❀奶茶茶味幾香；檸檬茶都OK既。