影片
更多
2015-11-11
822 瀏覽
呢期唔知搞乜，個個同事都鍾意fine dining，我呢個食開茶記既大鄉里，食個韓式都牙痛咁聲，梗係俾佢地恥笑啦。我份人又無乜所謂既，不過睇佢地啲相，賣相又幾唔錯，於是有啲心郁，但又唔捨得食，結果……竟然有同事用我個名book左呢間餐廳 (噴)"放心啦！好好食架。" 如果唔係見啱啱出糧，我真係淆淆地。去到餐廳，嘩，幾grand喎，心諗係咪要打返條tie先准入去。入到去坐底左，見個個又紅酒又白酒……死啦，識條鐵咩，望住個餐牌，完全無頭緒，仲好期待希望有一頁會出現"炒粉麵餐"。個waiter終於走埋來開口問，我有啲唔好意思，細細聲喺佢耳邊講: "其實我第一次fine dining，咩都唔識，不如……你幫我揸主意……" 佢對住我冷笑左聲，然後走開左，喂哥仔，咁即係點呀？隔左一陣，開始有野食，首先來左客包，好鬆軟，個牛油又幾特別喎，好香好濃味，仲想問佢喺邊間超市入貨，佢就主動話，係自家製黑松露牛油。嘩，好彩無開口問。之後來左個帶子芝麻沙律，從來無諗過帶子可以夾芝麻醬食，帶子好鮮味，同芝麻醬出奇地夾。跟手來左隻太平洋生蠔，完全有種喺海邊邊捉邊生食既新鮮味！可惜唔係食放題，如果唔係我肯定會寫個"
呢期唔知搞乜，個個同事都鍾意fine dining，我呢個食開茶記既大鄉里，食個韓式都牙痛咁聲，梗係俾佢地恥笑啦。我份人又無乜所謂既，不過睇佢地啲相，賣相又幾唔錯，於是有啲心郁，但又唔捨得食，結果……
竟然有同事用我個名book左呢間餐廳 (噴)
"放心啦！好好食架。" 如果唔係見啱啱出糧，我真係淆淆地。
去到餐廳，嘩，幾grand喎，心諗係咪要打返條tie先准入去。
入到去坐底左，見個個又紅酒又白酒……死啦，識條鐵咩，望住個餐牌，完全無頭緒，仲好期待希望有一頁會出現"炒粉麵餐"。
個waiter終於走埋來開口問，我有啲唔好意思，細細聲喺佢耳邊講: "其實我第一次fine dining，咩都唔識，不如……你幫我揸主意……"
佢對住我冷笑左聲，然後走開左，喂哥仔，咁即係點呀？
隔左一陣，開始有野食，首先來左客包，好鬆軟，個牛油又幾特別喎，好香好濃味，仲想問佢喺邊間超市入貨，佢就主動話，係自家製黑松露牛油。嘩，好彩無開口問。
之後來左個帶子芝麻沙律，從來無諗過帶子可以夾芝麻醬食，帶子好鮮味，同芝麻醬出奇地夾。跟手來左隻太平洋生蠔，完全有種喺海邊邊捉邊生食既新鮮味！可惜唔係食放題，如果唔係我肯定會寫個"50"落去。
之後來左個石鍋，咦，唔通係韓式石鍋飯？大鄉里果然係大鄉里，原來，入面係煲湯，紅色喎，咁大煲羅宋湯？"呢個係龍蝦湯，用左原隻龍蝦頭去淆幾個鐘，所以好濃味。" 我都忍晤住要恥笑我自己，呢度高級餐廳來架，羅乜春宋湯呀。
活龍蝦石鍋濃湯
15 瀏覽
0 讚好
0 留言
之後個火炙三文魚加三文魚籽，竟然係外脆內軟。我明白"好鮮味"呢個term出現得太多次會惹人反感，但對唔住，認真地，我真係要講多次，真係好鮮味 半生熟既特別口感，已經唔能夠再同平價放題去比較，食過你就知。
waiter話就來到主菜，所以要清一清味蕾，我真係第一次聽呢個理由，haha。青檸雪芭，雪芭下面有青蘋果粒，諗起都酸，但食落又ok wor，清清甜甜咁。之前果幾味真係幾濃味，用呢個方法隔一隔，果然係高級餐廳，鋪排都細心啲。
主菜來喇！係西班牙黑毛豬，正準備手起刀落之際，俾個waiter截住左……下，今次又點玩法？
西班牙黑毛豬
16 瀏覽
0 讚好
0 留言
ok，搞gag完畢。好切係真既，但個豬既肉地好適中，原來豬都有肉汁，加埋少少油，咀入面個感覺好豐富，好香口。加埋個黑松露燒汁，ok wor唔咸，完全升哂呢。配菜個薯蓉原來都有來頭，上面配上香草+蛋黃醬，好食到完全停唔到口。任何野始終都有尾聲，由一開始未入餐廳擔心到有啲緊張，一路食一路鄉里式讚歎，再到左最後的甜品，竟然有少少唔捨得。Homemade Dessert係流心奶凍+紅莓撻，紅莓唔酸仲幾甜，個奶凍更加係驚喜，生果都有得流心流出來，有創意又有心思。
都係果句，食過你就知，fine dining一生人真係點都要食一次，喺Otto食，絕對值得。
張貼
