影片
更多
2022-10-21
217 瀏覽
秋風起，就梗係食大閘蟹啦~ 見到 OpenRice x 陶源酒家 「蟹魔必食2小時任食大閘蟹放題」餐飲券，立即行得喇～ 不過呢餐飯嘅經驗就真係好壞參半。 先講左好嘅野先，目測蟹嘅 size 大約三両三両半，如果以市價一隻$70 計，以大家又真係蟹魔的話，呢餐應該都無乜點蝕嘅，佢無乜附帶消費，亦唔需要先叫某啲餸菜先可以任食蟹嘅，所以大家可以心無雜念，出盡全力咁衝喇。 蟹方面 佢有三款，清蒸、油鹽焗 同埋 太雕蒸。 我自己就覺得 太雕蒸 其實同 清蒸 分別不大，可以唔洗叫太多或者直頭可以 skip ， 油鹽焗就幾有驚喜，好重油香，食落特別係啲蟹膏有啲油鹽感覺都幾好。 食嘅方面其實係可以，下個月有機會都想去多次。好喇，咁唔好嘅係咩呢? 買左 OpenRice餐飲券 ，佢係有講明需要最少一天前打去確認訂座嘅，咁打左確認左啦，當日去到門口當然係好多人啦，但係店員係完全無理大家其實係訂左位，無訂位，定係點，總知其實邊度有吉枱，佢叫四位， 你係四位，咁就ＯＫ喇，訂位與否似乎係完全無關係。 佢跟住餐係有送幾款「小菜」嘅，其實都明白跟任食餐嘅野都唔會有咩要求，但係都未免太差，除左隻飽魚係飽魚之
先講左好嘅野先，目測蟹嘅 size 大約三両三両半，如果以市價一隻$70 計，以大家又真係蟹魔的話，呢餐應該都無乜點蝕嘅，佢無乜附帶消費，亦唔需要先叫某啲餸菜先可以任食蟹嘅，所以大家可以心無雜念，出盡全力咁衝喇。
蟹方面 佢有三款，清蒸、油鹽焗 同埋 太雕蒸。 我自己就覺得 太雕蒸 其實同 清蒸 分別不大，可以唔洗叫太多或者直頭可以 skip ， 油鹽焗就幾有驚喜，好重油香，食落特別係啲蟹膏有啲油鹽感覺都幾好。 食嘅方面其實係可以，下個月有機會都想去多次。
清蒸大閘蟹
1 瀏覽
0 讚好
0 留言
油鹽焗大閘蟹
3 瀏覽
0 讚好
0 留言
好喇，咁唔好嘅係咩呢? 買左 OpenRice餐飲券 ，佢係有講明需要最少一天前打去確認訂座嘅，咁打左確認左啦，當日去到門口當然係好多人啦，但係店員係完全無理大家其實係訂左位，無訂位，定係點，總知其實邊度有吉枱，佢叫四位， 你係四位，咁就ＯＫ喇，訂位與否似乎係完全無關係。
佢跟住餐係有送幾款「小菜」嘅，其實都明白跟任食餐嘅野都唔會有咩要求，但係都未免太差，除左隻飽魚係飽魚之外，其他真係得罪講句，唔食好過。
鮑汁扣原隻飽魚伴百靈菇
2 瀏覽
0 讚好
0 留言
金湯小米燴遼參
0 瀏覽
0 讚好
0 留言
蟹粉扒豆苖
1 瀏覽
0 讚好
0 留言
咁我地跟 OpenRice餐飲券另外仲有個蟹粉小籠包，餐廳方面似乎係唔係好知，多次追單都係無，到追到嘅時候，上枱隻小籠包係唔熱嘅，隔離枱話佢果隻入面直頭係仲凍嘅。
蟹粉小籠包
1 瀏覽
0 讚好
0 留言
等蟹真係等左好耐， 又唔想嘥野有理無理亂叫左先，唯有等了又等。
佢枱面有張寫野食嘅紙，除左叫蟹仲有其他小菜或者糯米飯，糖水等等，我地叫左糯米飯同糖水都係等左好耐都無，追問下先知原來係自己出去佢另外有個 counter 攞，到出去嘅時候亦乜都已經食晒亦無再添加，咁收我地張手寫單嘅時候點解唔講聲呢？
明白樓面各位大哥大姐都辛苦了， 枱枱都不停追單、追單、又追單。 大部份樓面都好友善嘅，有幾位就應該真係太辛苦喇，同客人口角，呼喝，甚至最後有兩位店員互相「問候」，場面一片混亂。
張貼
