利寶閣 (已結業)

第一次食大閘蟹放題，抱住期望去，點知非常失望。上到去見到d枱已經放到𨋢口位置，已經覺得唔衛生，等咗15分鐘都未安排到入座，完全唔夠人手。大閘蟹還可以，每隻大約有3両半，有3款選擇，清蒸、花雕蒸、鹽油焗。但食落冇乜分別，花雕蒸同清蒸是一樣味的，反而每人限有一隻凍花雕大閘蟹就有花雕味，好食。另外每位送原盅滋補響螺花膠燉湯，慘不忍睹，燉湯完全冇甜味，好似飲放了些盐既水咁。蠔皇原隻七頭鮑魚花菇，還可以，正常味道。除了以上食物是有人送上之外，其他的食品例如片皮鴨、生炒糯米飯以及各式甜品、驅寒養生薑茶，連蟹醋都要親自出去排隊攞。想𣎴到係The One 既食店， 服務攪到好似走咗屋村酒樓咁，非常失望，唔會再有下次了。