等等HEA

營業中

休息中

大閘蟹當造，平時都係買返屋企，今次見到九龍城呢家原本係台灣菜嘅餐廳做大閘蟹放題套餐滿座，就決定試下！價錢由$468-$898不等，視乎食幾多兩嘅蟹，我哋就選擇咗4－5两嘅餐，包含4－5两蟹公+3两半蟹乸～餐廳面積唔大，限咗每枱只有88分鐘，放題嚟講其實都好趕，不過因為真係好多人所以都理解嘅！坐低後即刻叫定幾隻蟹，主要都係嚟食蟹膏，蟹公嘅膏就硬身啲，蟹乸就軟糯鮮甜，個人比較鍾情蟹乸，所以之後叫嘅全部都係乸。另外仲有辣蟹可以叫，呢款非常惹味，好夠鑊氣！黑椒味香，炒蟹熱辣辣，食落反而冇咁膩！除咗蒸蟹同炒蟹外，仲有其他蟹粉小食選擇。生滾大閘蟹粥，1客會係1小碗，食落味道偏甜，粥底綿密，蟹肉相對較少。蟹粉水餃，湯底帶點藥材味道。飲品方面，種類同選擇都算多，奶蓋四季春、紅棗茶、黑糖薑母茶等。加單唔使等好耐，等一陣就有熱辣辣嘅蒸蟹送到，最後我哋2人總共食咗13隻蟹，以放題價錢來講，都算回咗本～最後飲番3杯薑茶先走。