輝哥私房菜

營業中

休息中

今日特登揀咗輝哥私房菜，因為見到佢有大閘蟹蛇羹宴。蛇羹都係冬天必食嘅食物，夠晒暖同補身。 前菜方面有：皮蛋夾酸薑，呢個食法幾新穎，各自都有自己獨特嘅味道。而另一個前菜就係沙薑鮮珍肝， 呢樣我就未食過， 不過味道都唔錯。 重頭戲方面： 每人一隻清水大閘蟹同埋一碗菊花太史五蛇羹，蛇羹嘅味道好補，唔會話好腥。 大閘蟹蟹膏十足，一王一后各一隻，蟹膏和蟹黃分明。 食到好過癮👍🏻 除此之外仲有鮑魚汁花膠扣鵝掌，薑蔥煀海鯉、糖薑米酒生炒芥蘭和糯米飯😉 當中我最推介食糯米飯，一離好耐冇食過，二黎用了佢唔會係好似牙嘅口感。甜品: 栗子珍珠焗布甸， 聽落係一個好新穎嘅配搭，用焗嘅方式嚟整嘅布甸， 口感比較特別，而珍珠則是西米露。食落就係一個熱既中式糖水西式做法。