喜記避風塘炒辣蟹 (謝斐道)

營業中

休息中

屋企人超鐘意食蟹，今次同媽咪一起嚟喜記避風塘炒辣蟹（灣仔元祖老店）！！啱好又到秋天🍂，啱嗮食蟹！ 因為就得兩個人，咁啱有個大閘蟹二人套餐可以點，好實惠，都好抵食呀🫶🏻 大閘蟹蟹肉鮮甜，超多蟹膏！！味道十分滿足。每一口都令人忍唔住想多食幾隻。🫶🏻 避風塘雪花一口牛 牛肉切得厚厚，外脆內嫩，口感十足。特別係佢嘅避風塘，刺激味蕾。🫶🏻蟹油炒麵金黃色嘅炒麵，香噴噴咁上台，條條麵都被蟹油包裹住，油水好豐富，感覺到每一條面都被蟹油包裹住。🫶🏻 花膠雲吞鷄煲湯底濃郁，花膠滑溜，雲吞餡料豐富。每一口都有雞肉嘅鮮味，整體味道均衡。🫶🏻 番薯糖水甜度適中，番薯軟綿，口感絕佳，餐後甜品餐畫上完美句號，食完蟹之後食翻碗糖水，滿足曬。今次呢個大閘蟹二人套餐性價比都好高，可以食到好多唔同款式嘅餸，我覺得係秋天食蟹嘅首選。見到仲有四人套餐同好多唔同嘅套餐，好抵食，啱嗮一家人過來食大閘蟹🦀🦀