神虎麺商店

營業中

休息中

今次嚟到灣仔一間由大阪過嚟香港開分店嘅正宗拉麵店，神虎麵商店，呢度嘅拉麵全部都係用虎字去命名，不過一睇個名其實都大致區分到係咩拉麵嚟。我地今次揀左海老虎拉麵🍜同埋神虎拉麵🍜，海老虎拉麵係香港店限定嘅，得香港呢度有得食，自然要試下喇；另外神虎拉麵就係呢度嘅招牌拉麵，當然都好值得一試。日文海老即係蝦，海老虎拉麵🍜其實就係湯底加入左鮮蝦味噌，味道好濃好鮮，想食鮮甜味道嘅話可以揀呢個湯底。至於神虎拉麵🍜就係呢度嘅招牌拉麵，點解可以成為招牌呢？係因為佢嘅湯底係特濃嘅豚骨湯，飲落非常美味，此外佢嘅叉燒並唔係普通叉燒，而係西班牙豬嘅豚肩肉同豚腩肉嚟，所以食落係非常幼滑，入口即溶嘅感覺，再配埋一顆流心蛋，不愧係呢度嘅招牌拉麵。呢度除咗拉麵係自家製，就連小食都係自家製嘅。佢地嘅餃子係每日新鮮整，皮薄餡靚，煎得香脆可口，真係流哂口水。仲有炸雞塊同樣出色，炸得金黃香脆，令人食指大動。食完拉麵最後飲返支桃味梳打汽水🍑，享受左完美嘅一餐。