家嫂

營業中

休息中

刺身舖就見得多，火鍋同雞煲都唔少，但係三合一既餐廳真係唔多。去旺角行街見到個名叫家嫂都幾有趣，心思思就像試下。餐廳環境係中式風格，頭上盞吊燈係花既形狀，幾靚下；不過衛生就唔係幾好，地上同埋檯面都有D污糟野同食物未清理乾淨。食物方面，蝦多士同皮蛋都算ok，我自己唔鍾意食皮蛋但朋友話OK食得落。雞煲味道幾好，但仲落左蜆落去，增加唔少鮮味，雞肉肉質夠嫩，份量一般。之後到火鍋，湯底正正常常，配料大多係海鮮，鮑魚同蟹都好大隻，好滿足。價錢唔算平，但整體味道份量尚可。