韓兄弟燒烤

營業中

休息中

可能今日好大雨，晚上7時左右，人流未算多，一入去係傳統韓燒店的樣子，圓形不銹鋼枱以及電油桶椅，一貫韓風。店入面有幾台電視播韓國歌，店主仲要係韓國人TIM!爐邊蛋係自己落既，有埋芝士同粟米。先來前菜有6樣，醃蘿蔔、醃青瓜、韓式泡菜、大豆芽、薯仔、菜。比目魚生魚拌飯 $88生魚完全唔係會腥果d魚，咬落幾有嚼勁，有少少魚鮮味，凍凍地，加上蟹籽，同拌飯，自己拌飯自己調辣度！$88又唔太貴，推介！辣八爪魚 $98原隻八爪魚，大大隻，咬落好爽口，口感豐富。因為醃製過辣辣地，燒完好爽口彈牙！特級豬頸肉$118肥肉較多，肉質嫩腍，一路烤一路出有油花，最好食最推介。食完真係肥幾磅。特級豬柳 $98肉質較瘦、脂肪比較少，有點嚼口。成台都係野食....好飽!整體唔太貴，氣氛有韓風，食完唔太油煙，略嫌位置有D難搵。