食道樂

營業中

休息中

今日冒住傾盆大雨去到紅磡既美食街一嚐地道既韓菜。崇潔街係紅磡人最熟悉既係佢小店林立，一條街有韓國野、日本野、茶記、四川野、港式車仔麵、火鍋，乜都齊。唔知食咩行入去總可以搵到岩心水。今日心血來潮想食韓菜，就去左間由阿豬媽打理既韓國菜。店舖細細地，冇乜特別裝潢，但就企企理理幾乾淨。兩個人今日叫左三款試試先。韓式醬烤排骨用鐵板上既牛仔骨，可以保持住溫度，我地慢慢一邊傾計一邊食都可以。有６塊左右，每塊size都算大，醬汁係偏甜，喜歡食甜甜地口味既可以試下。韓式豬排骨肉餃子大大粒炸餃子，有七粒咁多，新鮮炸起，外脆內多餡，推介！石鍋烤牛肉粉絲我諗阿豬媽口味係偏甜，因為個湯都係好濃同甜，用來撈飯一流，牛肉份量都多。整體來說，食物既品質唔錯，侍應既服務亦合格有餘，值得大家黎品嚐。