勝利小廚 (已結業)

一行六人上咗個friend屋企聚一聚，玩一玩，當然要嗌嘢食啦，有人話平安夜食咗pizza，又食咗炸雞，好彩個friend屋企外賣紙款式夠多，見到依間款式多，就鎖定目標，全權由最喜歡食嘅friend發板。唔係好耐外賣就到，一路食住外賣，一路睇住Avater，別有一番風味。至於是晚嘅嘢食如下： 麻辣鳳爪 - 比正宗泰式鋪仲要辣，鳳爪爽口，還有好多紅蘿蔔絲、洋蔥絲，食落就更加清爽，唔會太油膩！ 金沙骨 - 略為遜色，味道係可以，不過佢唔係一條條骨，只係切成細件，令到成件事唔開心！ 炒貴刁 - 炒得夠乾身！只係微辣，醒胃，D餸夠多！ 蒜蓉炒芥蘭 and 蒜蓉炒生菜 - 好夠蒜蓉香味，外賣D菜都仍然翠綠，仍然爽口，抵讚！ 炸蝦餅 - 有三塊，偏向細塊，總算彈牙，不過凍咗，熱身好D。 碳燒豬頸肉肉飯 - 豬頸肉切得夠薄身，還有少少脆口！ 海南雞飯 - 無骨，啖啖肉，雖然個飯好似有雞油，但實際唔覺有雞油的香味，失望！小插曲：本身嗌咗個鹹魚雞粒炒飯，點知嚟咗個麻婆豆腐，唔想浪費時間換嚟換去就接受咗，好彩都幾好食，送飯唔錯，當加餸！西方節日食泰式嘢，特別的聖誕節！