越好

營業中

休息中

越好係馬來西亞已經好出名，有32年歷史，係馬拉已經開左7間分店，曾經入圍過吉隆坡TimeOut「最佳印度/中國/印尼美食的餐廳」之一添。越好今年都係沙田開左分店啦，去唔到馬拉既你可以黎試下。———————————————————越好生牛肉河 $58生牛肉河係佢地既招牌，每日限量供應，黎到一定要食，湯底每日用新鮮牛骨熬足十二小時出黎，味道濃郁鮮甜，牛肉又大塊，肉質嫰滑，牛肉味香濃👍🏻———————————————————越好花腩飯 $58五花楠用椰子熬煮，再用魚露、冰糖等配料燜到入味，入口鬆化，而且唔太油膩。———————————————————酥炸牛油雞翼 $38牛油味濃，再加上蒜蓉一齊炸，十分滋味。雞翼外層炸得好酥脆，仍保留到雞翼既肉汁。———————————————————炸蝦餅 $38賣相吸引，外層炸到金黄色，而且蝦肉彈牙，食到停唔到口。