源發咖啡廳 (已結業)

開始秋天時份，還有幾天就是源發咖啡廳結業，門口也貼出中，英以及日文既告示，大概都是說感謝與道別之詞，今日我就黎到試一試有五十年歷史既咖啡廳。坐低一陣睇下餐牌影下相，就聽到隔離枱點餐“照舊”兩個字，對於我第一次黎既新客仔係有點新奇，不景50年歷史大部份都是照舊既老顧客，令到我變為隔外陌生的人。回來，我點了沙爹牛丁，太陽蛋香腸同凍檸檬茶，呢類舊式香港店既快速是香港人既標記，幾分鐘就有得食。太陽蛋煮得出水準，最外層脆邊，第二層煮熟既蛋白，第三層半熟奶白蛋白同第四層透透地明既蛋白包住蛋黃，層次分明蛋味香，腸仔開邊炸過，唯少了一塊多士，沙爹牛香濃有肉味，加上丁麵都煮得剛剛好，凍檸檬茶個茶味特出，檸檬都唔會孤寒你所以都係十分好飲。可惜天下無不散之延席，近來香港越來越多呢類店舖唔做，除了拍攝記錄外，我只能嘆息！