影片
更多
2021-08-21
1268 瀏覽
呢間西日fusion餐廳位於天后電氣道附近，舖仔細細亦唔係喺旺區，但網上嘅口碑都唔錯，吸引唔少人嚟聚下食下嘢。呢度嘅餐牌選擇都係以海鮮入饌嘅西餐為主，海鮮都係好新鮮有質素保證，價錢又公道，有部份菜式會加入日式元素例如面豉。呢度嘅環境幾cozy，主要都係坐高身吧枱，坐就唔算好舒服不過下面有籃可以放袋就方便好多。魚子醬海膽安格斯牛他他前菜叫咗呢款牛肉他他，安格斯牛肉切成粒之後混和洋蔥同其他配料，食落軟滑又有洋蔥辛香，面頭有啲魚子醬同海膽增添矜貴感，不過食落唔係太明顯。配上脆多士食都唔錯😗波士頓龍蝦三味芝士通粉超級大隻嘅龍蝦🦞焗得剛剛好，超級多龍蝦膏可以撈勻下面嘅mac n cheese食，食落有芝士香之餘仲有濃郁蝦膏香味。Mac n cheese嘅芝士醬係用3種芝士溝成，芝士味香但唔會好漏😋😋北海道帶子忌廉香菇燴意大利飯呢款就正正常常都係想像中嘅味道，意大利飯煮得幾creamy，有唔少菇粒多啲菇嘅香味。帶子三文魚子意粉其實本身係叫咗咸蛋黃炒意粉，不過掛住傾計，食食下先發現唔係原本個款🤔🤔但呢個錯咗嘅意粉🤣係餐牌搵唔返個名，唔知係咩嚟，but anyway食落味道都唔錯，帶子厚身、鮮甜，意粉
魚子醬海膽安格斯牛他他
前菜叫咗呢款牛肉他他，安格斯牛肉切成粒之後混和洋蔥同其他配料，食落軟滑又有洋蔥辛香，面頭有啲魚子醬同海膽增添矜貴感，不過食落唔係太明顯。配上脆多士食都唔錯😗
波士頓龍蝦三味芝士通粉
超級大隻嘅龍蝦🦞焗得剛剛好，超級多龍蝦膏可以撈勻下面嘅mac n cheese食，食落有芝士香之餘仲有濃郁蝦膏香味。Mac n cheese嘅芝士醬係用3種芝士溝成，芝士味香但唔會好漏😋😋
北海道帶子忌廉香菇燴意大利飯
呢款就正正常常都係想像中嘅味道，意大利飯煮得幾creamy，有唔少菇粒多啲菇嘅香味。
帶子三文魚子意粉
其實本身係叫咗咸蛋黃炒意粉，不過掛住傾計，食食下先發現唔係原本個款🤔🤔但呢個錯咗嘅意粉🤣係餐牌搵唔返個名，唔知係咩嚟，but anyway食落味道都唔錯，帶子厚身、鮮甜，意粉creamy，似carbonara，有啲煙肉粒咁。
烤杏仁椰菜花
呢度嘅配菜都幾吸引，椰菜花爽脆，食食下仲食得出輕微辣味，忍唔住一舊接一舊😽
抹茶提拉米蘇
呢個甜品係餐廳嘅signature，好多人嚟到都會嗌架，抹茶味幾香，唔係走濃茶路線，唔同口味嘅人都接受到可以share。Tiramisu質感好濕潤軟滑，好食👍🏻👍🏻
椰子朱古力慕絲
另外呢款就無tiramisu咁好食，椰子味偏淡，以朱古力味為主，質感介乎係雪糕同mousse之間。
Salted Lemon Spritzer, Apple Mojito, Fine Artisan Teas
呢度嘅飲品選擇好多，酒類都有好多款，我哋就叫咗2款mocktail，salted lemon個款完全就係咸檸檬嘅味道，加埋梳打水幾特別。另外2款茶造型好搞笑，每隻杯嘅人物造型都係唔同架！😻
人均消費：$300
推介指數（10分為滿分）：7.5分
張貼
