六六六六火鍋

營業中

休息中

呢間火鍋店真係好出色， 唔單止食材新鮮，湯底仲好滋味！首先我哋點咗鴛鴦鍋， 人參養生白湯鍋配祖傳老香港沙嗲鍋，兩款湯底都好好味！另外，小食都好正，尤其係椒鹽粟米同即炸響鈴卷拼魚皮，粟米煮得好爽口，響鈴卷同魚皮炸得好香脆。跟住我哋嗌咗肉類同埋海鮮！安格斯牛小排同紐西蘭羊肉片都好新鮮，煮熟之後啲味道更加突出，牛小排肉質肥美，羊肉羶味不會過濃，食肉獸啱晒。而且白鱔片就更加鮮甜，有嚼勁非常彈牙，不用點醬汁已經好有味道。最有驚喜係師傅手打嘅墨魚滑啦！墨魚滑好滑嫩，味道好鮮甜，口感好有彈性。另外，自家製嘅雲吞、水餃同韭菜餃都好好味！餃子皮好薄，餡好滑嫩，三款餃子，可以話係必食推介！最後，就係啲蔬菜啦，本地生菜都好新鮮。加埋紅薯粉麵質彈牙，非常索汁，吸收晒火鍋湯入邊嘅精華，可以話係冇得輸。