影片
更多
2025-02-22
0 瀏覽
友人知道我鍾意聽歌，就趁星期五晚帶我嚟呢間Cafe😍 就咁行過可能都未必會留意到呢個位有間餐廳，Cafe走輕工業風，裝修幾型格㗎😎Salad bowl可以揀兩款toppings，我就揀咗封門牛柳同埋烤雜菌配和風芝麻汁沙律🥗 封門牛柳同埋炒雜菌勁香，一上碟已經聞到啦。封門牛柳唔會太韌🐮 底下仲有多款嘅沙律菜、藍莓、車厘茄同埋比較特別嘅哈蜜瓜🍈 我相信配Parma Ham都會好夾🤣椒絲腐乳卡邦尼意粉呢個carbonara 勁creamy，每一啖都食到濃郁嘅腐乳味道，感覺帶點中式，但係配埋側邊嘅煙肉又好西式🫢 再加埋面頭好動L嘅流心蛋，整個口感好Rich ，都幾有特色🍳香煎脆皮香茅雞扒配薯蓉、雜菜呢個雞扒好大塊，切開入面勁多肉汁好Juicy🐥 勁鍾意佢個雞皮，夠晒薄身煎到好脆。而且雞扒唔會好濃味，有淡淡嘅香茅味，鍾意食重口味啲嘅朋友可以點埋隔離嘅燒汁🙈 隔離嘅配菜仲有順滑嘅薯蓉同埋椰菜花、西蘭花、紅蘿蔔及蘆筍，都幾豐富🥕巴斯克芝士蛋糕咁啱今日冇晒開心果口味，所以我哋揀咗原味🍰 蛋糕係半流心狀態，所以食落口超級幸福☺️ 味道唔會好甜，但係質感好綿密，幾推介大家嚟試呢個cake。Mint Choc
友人知道我鍾意聽歌，就趁星期五晚帶我嚟呢間Cafe😍 就咁行過可能都未必會留意到呢個位有間餐廳，Cafe走輕工業風，裝修幾型格㗎😎
Salad bowl
可以揀兩款toppings，我就揀咗封門牛柳同埋烤雜菌配和風芝麻汁沙律🥗 封門牛柳同埋炒雜菌勁香，一上碟已經聞到啦。封門牛柳唔會太韌🐮 底下仲有多款嘅沙律菜、藍莓、車厘茄同埋比較特別嘅哈蜜瓜🍈 我相信配Parma Ham都會好夾🤣
椒絲腐乳卡邦尼意粉
呢個carbonara 勁creamy，每一啖都食到濃郁嘅腐乳味道，感覺帶點中式，但係配埋側邊嘅煙肉又好西式🫢 再加埋面頭好動L嘅流心蛋，整個口感好Rich ，都幾有特色🍳
香煎脆皮香茅雞扒配薯蓉、雜菜
呢個雞扒好大塊，切開入面勁多肉汁好Juicy🐥 勁鍾意佢個雞皮，夠晒薄身煎到好脆。而且雞扒唔會好濃味，有淡淡嘅香茅味，鍾意食重口味啲嘅朋友可以點埋隔離嘅燒汁🙈 隔離嘅配菜仲有順滑嘅薯蓉同埋椰菜花、西蘭花、紅蘿蔔及蘆筍，都幾豐富🥕
巴斯克芝士蛋糕
咁啱今日冇晒開心果口味，所以我哋揀咗原味🍰 蛋糕係半流心狀態，所以食落口超級幸福☺️ 味道唔會好甜，但係質感好綿密，幾推介大家嚟試呢個cake。
Mint Chocolate
呢杯飲品唔會太甜，薄荷同埋朱古力味balance得幾好，啱晒冬天暖笠笠咁飲🍫
Hojicha Latte
焙茶嘅味道都幾濃郁，如果唔鍾意飲甜嘢嘅朋友呢一杯好啱你☕️
呢度趁星期五晚都會有live music，真係令人好chill好放鬆，喺度過咗個好開心嘅晚上🌃
張貼
