更多
2018-02-27
165 瀏覽
今次去左一間專食天婦羅既日本餐廳,都是第一次食天婦羅廚師發辦,師傅安排煮到埋嚟就食,其實都幾好!今次下就嚟食,平過夜晚一半有多啊!首先奉上前菜有三款-鴨胸配上芥末;黑豆煮到好腍,好甜!日本柿既果乾,食到柿本身既甜味!之後係刺身既部分,有油甘魚、吞拿魚及甜蝦,全部都好新鮮,幾厚身!開始食天婦羅,調味不會用天婦羅汁而係用佢地既海藻鹽 、咖哩鹽,避免吾會蓋過食材既鮮味,仲有來自九洲及靜崗的蘿蔔製成蓉,十分清甜呢!師傅先比左沙錘魚及蝦我地,連側邊既蝦頭部分都食得,十分脆口。蝦鮮味好出,一咬開就發現同平時食既差好多,加上炸粉好薄更加分!魚好細嫩,加少少鹽已經非常到位!之後係瀨尿蝦及馬頭魚,瀨尿蝦炸完都一樣彈牙,肉有彈性。馬頭魚肉質比沙錘魚有質感,再加上面頭香脆既魚鱗片,是會令人難忘的一道。粟米仔都好清甜!之後仲有好入味既關東煮及麵食,飽肚又滿足既一餐。甜品係佢地自己整既咖啡慕絲,都幾濃咖啡味,質地好滑!
張貼