三木日本料理 (已結業)

雖然呢幾日天氣咁凍，不過由於約左好姊妹撐枱腳，所以都照岀。今日放題都係以熱食為主，辣酒煮螺就最岩，由於我都叫做食得辣，所以挑左舊螺肉岀黎連湯一齊食埋，正！清酒煮蜆，蜆肉唔算好大粒，不過尚算清甜。海鮮烏冬，一小碗的烏冬卻有不少海鮮，加埋個番茄湯正！雖然話今日主食熱食，不過放題點都要食返小小刺身先叫食放題既。例食三文魚，劍魚腩肥美，仲有極大甜蝦，真係有我隻手指咁大！sushi 就一定要食海膽軍艦，真係好好好食，另外蟹肉鮮蟹膏，有人拆埋蟹肉，岩晒我呢d港女。蟹籽勁爆醬，呢個同海膽軍艦都係要再食既必定item 。燒物方面主要係食燒疏果，女人食飯真係好麻煩，明知食放題一定唔會瘦，但點都會係咁多食物入面再pick d冇咁肥既黎食。就好似燒物要食燒疏果一樣。估唔到有燒銀杏，燒過既銀杏有小小煙um ，我地食左好幾串，燒菠蘿都係本人食放題指定要食既，燒過都好多汁。燒大蝦外層有小小味粉，肉質爽，不過我鐘意加小小檸檬食，清新d。唔講唔覺，原來都食左唔少，所以甜品都唔夠膽食咁多，不過就pick左其中一款我既最愛，焦糖燉蛋，燉蛋好濃滑，如果個焦糖燒下就仲正。原來呢度有獎抽，獎品係free 一位放題，如果兩個人黎