小辣川

營業中

休息中

約咗朋友聚一聚，天氣轉冷，點都要食火鍋啦。今日好彩早啲嚟，食食下越坐越多客，好熱鬧。朋友介紹柴灣漁灣街市熟食中心嘅《小辣川》有雞煲食，仲可以揀烤魚或牛雜，任飲任食火鍋都只是$198/位，不設加一服務費。川味重慶雞煲~採用生雞即炒即出即上菜，等到滾起然後店員幫忙炒起撈勻，川辣味道非常入味，夠香夠辣夠惹味，每份有半隻雞，雞煲可以無限添加，越食越滋味，我哋加多一份先開始打邊爐。自助區有各類新鮮蔬菜，包括茼蒿、皇帝菜、西洋菜、萵筍、芫茜、油麥菜、生菜等等，仲有豆腐、雲耳、支竹、豆腐......自助區還有蝦、蟹、魷魚仔、大蜆，當然唔少得肥牛及各式丸類。飲品櫃除了一些常見汽水及飲品外，好開心見到幾款啤酒，大家一於啤一啤，正！醬料區都應有盡有，也可加隻鮮雞蛋。好欣賞店員友善嘅招待。