影片
更多
2009-10-15
19 瀏覽
15-10-2009上次路過人龍太長, 結果去了大排檔食牛腩 (http://www.openrice.com/restaurant/commentdetail.htm?commentid=2036198), 呢日早 5 分鐘嚟到, 估唔到好快就「攝」到位. 叫了「小辣」 酸辣紅薯粉走酸菜 ($20) 配豬大腸及腩肉 (配料每款 $5), 加杯凍檸水 ($5) 以被不時之需.酸辣湯底配料有芫茜, 唔嚡口但勁鹹的炸醬/肉碎, 及炒過的碎濕濕花生, 飲落唔酸,「小辣」係完全唔辣 (連「小學生」都話唔辣, 可想而知有幾唔辣!), 若你級數係「大學」或以上, 叫大辣好了; 紅薯粉呈淺灰色, 形狀質感都似足瀨粉, 無預期中的煙韌, 咬落甚至有點似煮得 al dente 的 spaghetti (!!), 幾 R 頭; 腩肉較厚切, 肥多過瘦, 食落只有 (「肥」) 爽如豬耳, 及 (「瘦」) 硬如柴皮兩種口感, 但無味道的, 麻麻哋; 豬大腸切成一條條, 較軟腍, 但十分入味, 少少「臊」又帶鹵水香甜味, 好食.凍檸水 size 比 700cc 珍珠奶茶更大 , 夠凍夠清澈甜度又剛好, 滿意
上次路過人龍太長, 結果去了大排檔食牛腩 (http://www.openrice.com/restaurant/commentdetail.htm?commentid=2036198), 呢日早 5 分鐘嚟到, 估唔到好快就「攝」到位. 叫了「小辣」 酸辣紅薯粉走酸菜 ($20) 配豬大腸及腩肉 (配料每款 $5), 加杯凍檸水 ($5) 以被不時之需.
酸辣湯底配料有芫茜, 唔嚡口但勁鹹的炸醬/肉碎, 及炒過的碎濕濕花生, 飲落唔酸,「小辣」係完全唔辣 (連「小學生」都話唔辣, 可想而知有幾唔辣!), 若你級數係「大學」或以上, 叫大辣好了; 紅薯粉呈淺灰色, 形狀質感都似足瀨粉, 無預期中的煙韌, 咬落甚至有點似煮得 al dente 的 spaghetti (!!), 幾 R 頭; 腩肉較厚切, 肥多過瘦, 食落只有 (「肥」) 爽如豬耳, 及 (「瘦」) 硬如柴皮兩種口感, 但無味道的, 麻麻哋; 豬大腸切成一條條, 較軟腍, 但十分入味, 少少「臊」又帶鹵水香甜味, 好食.
凍檸水 size 比 700cc 珍珠奶茶更大 , 夠凍夠清澈甜度又剛好, 滿意.
店內衛生不錯, 阿姐們亦有求必應, 不過 lunch hour 真係打仗一樣, 都係俾點「公德心」較好, 食完快閃好了.
$35 埋單, 一試無妨.
張貼
