影片
更多
2023-02-08
136 瀏覽
收工返去搵食，都係去返頌富睇因為多野食D🤣原來3樓新開左間食川菜既！咁啱本人最近迷上左食川菜🤩所以就毫不猶豫咁就入左去~當晚8點左右就到左餐廳，唔洗等位，入面都唔係好滿座，店員就安排左俾我地坐角落位話靜靜地🤣👍🏻我同朋友睇餐牌既時候就諗住食酸菜魚+口水雞+手撕包菜，睇睇下點知就見到有個2人套餐係有齊晒呢3個🤣仲有2個小饅頭+2碗白飯！所以就即刻叫左個2人套餐($298)，比起散叫平好多！飲品就叫左豆漿同埋凍檸樂。-招牌酸菜魚✨叫左唔係好耐啲野食都好快就上菜，個湯酸酸辣辣勁開胃，又唔會太酸/太辣，味道十分適中，而酸菜魚既份量都好足料又多，入面會有生魚片啦芽菜啦萵筍啦寬粉啦等等，食極都仲有🥰🥰👍🏻-川辣口水雞✨呢個又係一個十分之開胃既菜式，川辣味配上香嫩既雞件，簡直係令人垂涎三尺🤤🤤呢到D雞都好爽口唔會好鞋，又啖啖肉多汁唔會全部都係得骨，同埋都唔會好油膩👍🏻上面個醬汁都有好大陣麻香味，十分出色！-手撕包菜✨都係一道好開胃既菜🤣🤣有麻辣既鮮香味之餘，啲菜仲好爽脆！唔會好淋亦都唔會覺得唔新鮮👍🏻差啲好味到食到停唔到口🤤最後仲有兩個炸小饅頭，外酥內軟又香脆可口，配埋煉奶真係冇得輸！👍🏻👍🏻個2人
收工返去搵食，都係去返頌富睇因為多野食D🤣原來3樓新開左間食川菜既！咁啱本人最近迷上左食川菜🤩所以就毫不猶豫咁就入左去~當晚8點左右就到左餐廳，唔洗等位，入面都唔係好滿座，店員就安排左俾我地坐角落位話靜靜地🤣👍🏻
我同朋友睇餐牌既時候就諗住食酸菜魚+口水雞+手撕包菜，睇睇下點知就見到有個2人套餐係有齊晒呢3個🤣仲有2個小饅頭+2碗白飯！所以就即刻叫左個2人套餐($298)，比起散叫平好多！飲品就叫左豆漿同埋凍檸樂。
酸菜魚
7 瀏覽
0 讚好
0 留言
叫左唔係好耐啲野食都好快就上菜，個湯酸酸辣辣勁開胃，又唔會太酸/太辣，味道十分適中，而酸菜魚既份量都好足料又多，入面會有生魚片啦芽菜啦萵筍啦寬粉啦等等，食極都仲有🥰🥰👍🏻
川辣口水雞
5 瀏覽
0 讚好
0 留言
呢個又係一個十分之開胃既菜式，川辣味配上香嫩既雞件，簡直係令人垂涎三尺🤤🤤呢到D雞都好爽口唔會好鞋，又啖啖肉多汁唔會全部都係得骨，同埋都唔會好油膩👍🏻上面個醬汁都有好大陣麻香味，十分出色！
手撕包菜
10 瀏覽
0 讚好
0 留言
都係一道好開胃既菜🤣🤣有麻辣既鮮香味之餘，啲菜仲好爽脆！唔會好淋亦都唔會覺得唔新鮮👍🏻差啲好味到食到停唔到口🤤
炸小饅頭2個
4 瀏覽
0 讚好
0 留言
個2人餐一開始睇落去都好多份量都驚會食唔晒，點知道道餸都咁開胃，結果我地都不知不覺食得晒🥰十分滿足！店員服務又好好又坐得好舒服，下次會想再去試埋其他菜式例如水煮魚同幹鍋類🤤👍🏻
張貼
