川川辣辣

營業中

休息中

喺T Town商場，如果食厭咗壽司郎，不妨試吓滿滿辣意嘅川菜。店鋪雖然唔大，但都坐得十分舒適。如果係洪嘉豪或張天賦嘅fans，應該更加享受，因為店鋪裡面整晚嘅music list，就係佢哋兩個嘅歌。而我哋今晚食嘅菜單就有：酸菜魚、川辣辣子雞、手撕包菜、生炒牛肉飯、皇牌流心奶黃西多士併雞髀、再加多杯紅豆冰。酸菜魚(例)一個例牌酸菜魚的份量足夠2-3人享用。雖然揀了小辣湯底，但都充滿着四川麻椒和酸菜味，味道溫和、油而不膩。爽滑兼沒有骨的魚肉吸收了濃湯的精華，加上大量配料及薯粉墊底增加口感，十分醒神開胃。川辣辣子雞辣子雞作為川菜嘅佐酒名菜，雞肉配上辣椒、花椒的麻辣味道，口感爽辣鮮鹹，用嚟送酒簡直一流。手撕包菜小辣的手撕包菜，除咗菜很清甜外，花椒亦帶了一個麻的口感。生炒牛肉飯份量足夠3人享用，飯粒夠乾身，啖啖都充滿着牛肉、蛋同蔥花嘅香味，再加上前面幾道餸，可以話係食到停唔到口。皇牌流心奶黃西多士併雞髀與平時下午茶食嘅西多士，最大分別係呢個西多嘅餡係流心奶黃，同埋晚市都可以食，再加埋大大隻炸雞髀，十分抵食。