Mr. Bake (已結業)

下午茶時間出去諗住食野，行下行下見到皇后大道東有間新開既麵包店！望入去幾乾淨幾企理，就入去睇下有乜野食。店雖然唔大，但係就有大約30,40款既麵包類，曲奇類，穀類食品賣~感覺全部都好organic!! 最後我就買左綠茶卡門，伯爵紅莓，朱古力撻同埋蘋果雲呢拿茶。綠茶味超香但無苦澀味，質感豐盈！內層有d芝士狀既物體同個綠茶麵包好襯麵包都可以好天然同無添加！ 伯爵紅莓包， 質感較為結實！啖啖既伯爵茶嘅香氣好優雅有d粒粒紅莓肉好有咬口~個朱古力撻幾香濃~好似食緊brownie!! 又香又濃飲埋杯蘋果雲呢拿果茶fit到漏油酸酸微微好醒神