泰一流泰國菜 (已結業)

今日同仔女又要頭痛午餐去邊食🤔，阿女去openrice search 倒呢間新開泰菜，於是就去試下。差唔多1:45到左，食客唔算多，一到即有位，全部都係卡座，都算坐得幾舒服。呢度嘅湯粉，夾雜好多炸蒜、芫荽、香蔥、芽菜等等嘅香菜做配料，另本身好清嘅湯底味道提升😋先講生牛肉湯粉，牛肉份量好多，切得好薄身，食落有牛鮮味豬頸肉湯河，豬頸肉烤得好香口，有小小燶邊好正👍🏻炸蝦餅湯河，蝦餅份量好多，夠厚身，又彈牙，三十幾蚊一個餐有成4大件，超抵食👍🏻不過今曰我地三個都係想試湯河，可惜侍應話今日河粉賣晒，要用金邊粉取替😐金邊粉唔夠河粉咁滑身，有小小鞋口，呢度扣左分。整體黎講，一百鬆蚊三個餐，份量又多，好ok啦，下次一定會黎試埋晚市😆。