影片
更多
2023-09-24
51 瀏覽
話說係太古長大既我，自從好多年前搬走咗之後都好耐冇返黎太古城喇，最近聽朋友講話太古城新開左IKEA，所以今日放工專登過黎行街。上OpenRice搵吓有咩好食嘅時候，見到呢間幾精緻既日系Cafe，睇相見到環境同嘢食都唔錯，所以就喺呢度食晚飯喇。果然一踏入cafe，見到佢哋嘅裝修好新淨，用上木色嘅傢俬，有日系小清新既感覺，就知道冇揀錯。😆〈茄汁大蝦扁意粉〉朋友鍾意食蝦，所以就叫咗呢個大蝦意粉。一上枱見到佢地意粉嘅擺盤整齊，就覺得好有心思。大蝦嘅份量都幾多，足足有成五隻。我試食咗幾啖，覺得茄汁既酸度適中，大蝦嘅肉質都幾結實彈牙。〈香草醬煙三文魚長通粉〉上面既煙三文魚卷到一朵朵花咁，淨係賣相已經好靚仔。香草醬調味適中，惹味，口感夠creamy，醬汁份量啱啱好可以撈勻晒成碟長通粉。長通粉煮得口感剛好，唔會過硬或過淋，亦好掛汁。旁邊仲有啲車厘茄，令成碟意粉既味道唔會太過單調。〈咖啡味軟雪糕〉一黎到就覺得，哇呢杯雪糕嘅size真係唔講得笑。😳 朋友話特別鐘意呢個咖啡味雪糕，咖啡同埋奶味都好濃郁，而且雪糕嘅質地好實，好有份量。〈黑熊芭菲〉其實我揀甜品嘅時候都糾結咗一陣，因為見到除咗雪糕，芭菲，仲有窩夫
果然一踏入cafe，見到佢哋嘅裝修好新淨，用上木色嘅傢俬，有日系小清新既感覺，就知道冇揀錯。😆
〈茄汁大蝦扁意粉〉
朋友鍾意食蝦，所以就叫咗呢個大蝦意粉。一上枱見到佢地意粉嘅擺盤整齊，就覺得好有心思。大蝦嘅份量都幾多，足足有成五隻。我試食咗幾啖，覺得茄汁既酸度適中，大蝦嘅肉質都幾結實彈牙。
〈香草醬煙三文魚長通粉〉
上面既煙三文魚卷到一朵朵花咁，淨係賣相已經好靚仔。香草醬調味適中，惹味，口感夠creamy，醬汁份量啱啱好可以撈勻晒成碟長通粉。長通粉煮得口感剛好，唔會過硬或過淋，亦好掛汁。旁邊仲有啲車厘茄，令成碟意粉既味道唔會太過單調。
〈咖啡味軟雪糕〉
一黎到就覺得，哇呢杯雪糕嘅size真係唔講得笑。😳 朋友話特別鐘意呢個咖啡味雪糕，咖啡同埋奶味都好濃郁，而且雪糕嘅質地好實，好有份量。
〈黑熊芭菲〉
其實我揀甜品嘅時候都糾結咗一陣，因為見到除咗雪糕，芭菲，仲有窩夫，蛋糕，卷蛋等等，根本樣樣我都想食。結果見到呢個黑熊芭菲，個名好似幾signature，所以決定叫呢個。佢係咖啡味軟雪糕，加粟米片嘅脆脆，焦糖餅乾同埋咖啡凍，成個配搭都唔錯。同我朋友杯軟雪糕一樣，佢嘅size都係比較大嘅，好足料，其實夠晒兩個人share。
〈Earl Grey Tea (Hot)〉
呢到飲品選擇都多，除左coffee，non-coffee，仲有tea選擇。朋友果日咁啱想飲熱茶暖暖胃，所以叫左呢杯Earl Grey Tea。我就冇試飲佢杯熱茶所以comment唔到味道如何，但見到佢地茶具賣相都幾精緻。
〈Iced Pandan Latte〉
我幾鐘意呢杯latte！睇menu時覺得係出面好似未見過有pandan latte，覺得幾特別所以決定想試下，但到落order時又怕杯野飲黎到會唔會其實係好淡口。結果唔係，好彩有叫到呢杯pandan latte，有好香濃既班蘭味，而且奶味都夠濃郁，甜度亦適中，成杯latte各方面都balance得好好，我個人十分推薦👍🏾
整體嚟講，去一間餐廳食飯，其實最重要就係坐得舒服，同埋嘢食好味，呢度fulfill到晒呢到要求，仲要店員嘅服務態度都好好，成個體驗都非常之唔錯，有機會再嚟太古城嘅話，過嚟呢度chill下飲杯嘢，或者食個飯都唔錯。☺️
張貼
