Apinara

營業中

休息中

位於太古廣場嘅Apinara位置方便，地鐵站一出上扶手電梯兩層就好快見到。餐廳環境以木色為主調，感覺舒服光猛開揚。小編係中午過去，所以叫咗兩個Business Set Lunch，跟餐會有泰式椰汁雞湯、沙律、甜品同埋餐飲。 泰式椰汁雞湯雞湯味道酸甜，青檸味道中和左椰汁半身嘅甜味，唔會太膩，係一個非常開胃嘅前菜。菠蘿雞粒沙律菠蘿非常甜同juicy，配上酸酸嘅沙律汁，味道豐富。大家食嘅時候，記得撈勻個底嘅醬汁先食呀！Set A 泰式和牛船麵 $218呢個湯底濃郁，牛𦟌煮得軟腍，加上炸豬皮同香蒜，味道口感不錯。小編特別鍾意佢個麵，口感煙靭有咬口。Set B 泰式雞肉炒金邊粉 $188金邊粉足料且份量足夠，芽菜非常爽，醬汁惹味，能夠為整個金邊粉帶來豐富嘅口感。食客亦可按照個人喜好加入青檸、辣椒碎、砂糖等等。柚子椰汁西米露有別平時嘅芒果西米露只有甜味，呢個柚子西米露酸甜得宜，非常欣賞。