影片
更多
2022-07-16
2251 瀏覽
平日午餐時間嚟試吓，估唔到星期二都咁多人，我12時15分入座，安排坐二人檯，但檯與檯之間距離坐到好近，坐得好唔舒服，坐位迫到似大家樂咁，中間得塊膠板分隔，唔覺得有咩幫助，疫情之下嚟食嘢覺得都幾唔安全。食物真係一般，沙律吧啲嘢無蓋無掩，人龍又多，樣樣都要排隊或迫人，而且依度啲人又打尖、啲鉗夾完呢樣又唔擺番好、啲嘢食夾到周圍都係、有啲醬汁仲跌晒落地下，拎咗返坐位都無乜胃口想食，我本身幾鐘意食車厘茄，依度啲車厘茄竟然一啲味都無，我平日買20元嘅車厘茄都有茄味過依度。海鮮有青口、蜆、熟蝦、即開生蠔，蝦肉有啲晦，唔新鮮。即開生蠔好啲，細細隻，食咗半打都ok。三文魚刺身夠肥厚，唔差。但係枱面嗰啲豉油到到成地都係都冇人抺，見到都唔開胃，感覺好污糟。中湯無人補給。飲品選擇少。甜品冇乜吸引，我淨係試咗件藍莓芝士蛋糕，啲芝士麻麻哋，好似拎咗出嚟好耐咁，唔好食，雞蛋仔、蛋撻，都係一般啦冇乜特別，雞蛋仔唔脆。雪糕都有好多款口味，但係唔知點解都係唔吸引，可能依度比較污糟，所以樣樣嘢都覺得食唔落咁。熟食試咗切片牛肉，太生，拎咗返去真係食唔落。炒飯，點解個炒飯可以無味。生果，西瓜完全無味，都係一樣衛生情況好差，所以
食物真係一般，沙律吧啲嘢無蓋無掩，人龍又多，樣樣都要排隊或迫人，而且依度啲人又打尖、啲鉗夾完呢樣又唔擺番好、啲嘢食夾到周圍都係、有啲醬汁仲跌晒落地下，
拎咗返坐位都無乜胃口想食，我本身幾鐘意食車厘茄，依度啲車厘茄竟然一啲味都無，我平日買20元嘅車厘茄都有茄味過依度。
海鮮有青口、蜆、熟蝦、即開生蠔，蝦肉有啲晦，唔新鮮。即開生蠔好啲，細細隻，食咗半打都ok。
三文魚刺身夠肥厚，唔差。但係枱面嗰啲豉油到到成地都係都冇人抺，見到都唔開胃，感覺好污糟。
中湯無人補給。飲品選擇少。
甜品冇乜吸引，我淨係試咗件藍莓芝士蛋糕，啲芝士麻麻哋，好似拎咗出嚟好耐咁，唔好食，雞蛋仔、蛋撻，都係一般啦冇乜特別，雞蛋仔唔脆。
雪糕都有好多款口味，但係唔知點解都係唔吸引，可能依度比較污糟，所以樣樣嘢都覺得食唔落咁。
熟食試咗切片牛肉，太生，拎咗返去真係食唔落。
炒飯，點解個炒飯可以無味。
生果，西瓜完全無味，都係一樣衛生情況好差，所以拎咗返去啲生果都唔係好想食。
整體來講真係冇乜嘢好食，除咗生蠔OK，三文魚都可以，其他都好唔得。
最後竟然食咗一小時我地巳經離開，真係無嘢再想放入口。價錢係幾抵，但我都唔會再嚟，拎二百幾蚊去餐廳食更加好食！
建議佢哋唔好做到咁低價吸引人嚟，每人收返多一舊水，提升返食物質素，又少啲人唔使咁迫，衞生又可以做返好少少。
注：圖文不乎，我覺得我部手機影得太靚，真實唔係咁！
張貼
