新贊記點心皇

營業中

休息中

位於太子❣︎新贊記點心皇❣︎超推薦比大家，所有點心即叫即蒸😋👍🏻全部熱辣辣，全日免加一服務費😀👍🏻茶位都只係$7，性價比高，點心有水準，地方乾淨座得舒適，難怪成日爆場有時重要等位添。❣︎蝦餃拼粉果❣︎$28兩個人食岩岩好😋每樣兩粒，蝦餃皮薄爽彈，粉果清香足料，口感煙靭。❣︎孖寶❣︎$41豉椒蒸排骨，排骨鮮嫩😋👍🏻肥瘦適中。鵪鶉蛋燒賣，味道鹹香，口感嫩彈飽滿。❣︎鮮蝦腐皮卷❣︎$29有成3大件😮超抵食👍🏻腐皮炸得金黃薄脆😋👍🏻餡料紮實，口感酥脆。❣︎豆沙煎堆仔❣︎$21🌟推薦必食之選😋👍🏻熱辣辣，脆卜卜，煙煙韌韌甜度適中，一啲油膩感都冇。❣︎雲耳冬菇蒸雞飯❣︎$50雞飯仲跟埋例湯👍🏻今日係白菜豬骨湯，啲湯無味精架🤤超豐富足料，雲耳多到滿瀉，冬菇好大件，蒸雞好嫩滑，加埋我至愛嘅芫荽，飽肚又滿足。