2 Soon Cafe

營業中

休息中

伊比利亞火腿忌廉薯餅❤外層酥脆可口，脆卜卜，而咬落去餡料綿密，鹹香惹味，加埋忌廉嘅奶香，成個口感更軟滑。 慢煮雞胸沙律❤沙律汁另上走芝士， 雞胸肉質實在，微焦小嫩，入口唔乾唔柴，沙律配菜有羅馬生菜 車厘茄 流心水煮蛋 西柚 香橙，如果份量可以再大份D就更滿足~!明太子忌廉煙肉大蝦意粉❤意粉夠哂彈牙掛汁，濃郁既明太子忌廉醬，味道口感都好香滑，蝦肉彈牙爽甜，食落唔膩，份量十足。香煎三文魚柳配菠菜磨茹❤三文魚柳香口惹味，底下有軟滑奶香既薯蓉，配菜既西班牙青椒仔，好香甜椒味，外皮有D脆口，好滋味西班牙辣肉腸蕃茄藍青口煲❤醬汁鹹香味濃，青口爽甜，粒粒飽滿，辣肉腸味濃有咬口。酸種麵包點埋D醬汁，好滋味。