十大碗粥麵專家

營業中

休息中

平時落街就直接去地鐵站，放工又係直接返屋企，今日放工就落去行逛睇下有咩好食，就發現屋企附近新開了間粥麵舖，舖仔細細但五內臟俱全。餐廳主要以粥粉麵為主，但最驚喜的是有生滾粥。還有自家製酸蘿蔔，酸酸甜甜又爽脆。牛肉腸粉腸粉即叫即蒸，新鮮熱辣，外皮不算太厚，而且都幾滑，裏面包著滑牛份量十足。雲吞拼魚皮麵因為是開工不久，魚皮應該是剛炸好的，入口鬆脆且不會太咸，雲吞脹卜卜，裏面有大粒的蝦肉，爽口彈牙，幼麵有韌性而且唔多覺有梘水味，十分爽口煙韌，最後湯底是用大地魚煲成，味道鮮甜無比。