醉翁亭火鍋館 (已結業)

行完花墟搵野食，肚餓到打晒鼓好想勁食一番，行過對面馬路彌敦道見到呢間醉翁亭任食，就呢間喇。近門口有偌大魚缸提供各款付費海鮮可供點選坐低左知道原來做緊無限時任飲任食，立即點野食青瓜，木耳及無骨鳳爪三款前菜自助形式自取。每位任食放題係包左送多款美食，坐低左侍應會遂樣送上，唔使點亦唔使追嘅。第一款是刺身拼盤，三文魚極度厚切，超美味，北寄貝同希靈魚夠晒鮮甜。第二款是海鮮拼盤，種類都幾多，海蝦超大超長，新鮮彈牙，青口和蜆放湯淥熟後超鮮甜，脆肉鯇魚和龍躉都很新鮮第三款手切牛頸脊，有十多片，牛肉夠厚身，而且牛味十足，呢碟出邊食都要過百元以上，有得送真係超值第四款是四款美食不停轉換，今天是雞雞蓉燕窩羮，一大團燕窩鋪喺表面，相當名貴。四寶丸全部手打，非常彈牙，牛丸有濃濃果皮味，好特別。響鈴是自家製作，入口香脆，放湯當然更好味各款蔬菜及炸魚皮都是任點任食豬潤同豬腰夠晒新鮮飲品櫃有多款飲品可供選擇整體黎講，每位$298+加一，就可以食到刺身，海鮮，高級牛肉幾款美食再加無限時火鍋，真係幾超值，加上交通方便，下次收工要打邊爐，必定再幫襯呢間。