影片
更多
2020-09-30
786 瀏覽
呢日放工終於約到個朋友出嚟食晚餐，佢閉關咗幾個月🙈，而家陸續回復番正常社交生活。唔知大家係咪都有彈性上班時間，太子嘅「Chapter 3」竟然七點未夠就坐滿晒人！我哋都只能夠坐係吧枱位置。坐低冇幾耐，店員就送上Nachos，酸忌廉真係超正，我哋未落單嗌嘢食都幾乎要refill😛。呢個項目按人頭收費$20。餐廳定價好抵👍，因為肉類嘅菜式都係百幾蚊就有交易，份量仲要一啲都唔細。食物選擇唔算特別多，主打西餐，有小食、意粉同沙律等等。冇肉不歡嘅我哋當然要食大量肉肉🍖，諗番起都覺得顛😚。德國紐倫堡腸拼盤 🇩🇪($158)，香腸拼盤嘅造型霸氣到一個點😎，全場矚目！究竟個木盤有幾厘米長呢，枱面勉強放得落咋。紐倫堡腸有三款口味，由圖左至右包括雞肉腸、豬肉腸同牛肉腸。最好食😋嗰款係份量最多、最「大餅」嘅🐷豬肉腸，脆脆腸皮包住好夠味嘅腸餡。另外，估唔到牛肉腸係三款入面口味最淡。黃芥辣有少少刺激🌶，正！炭燒美國頂級牛柳🥩($168)，牛柳有12安士，比較厚身，並唔係一大片嘅肉眼扒。因此炭燒起上嚟牛肉外面嘅部份會熟少少，但去到中間就真係做到七成熟✅。牛味唔錯，肉質亦算多汁！伴菜選擇幾多，有成八款揀，我哋要咗意
呢日放工終於約到個朋友出嚟食晚餐，佢閉關咗幾個月🙈，而家陸續回復番正常社交生活。唔知大家係咪都有彈性上班時間，太子嘅「Chapter 3」竟然七點未夠就坐滿晒人！我哋都只能夠坐係吧枱位置。
坐低冇幾耐，店員就送上Nachos，酸忌廉真係超正，我哋未落單嗌嘢食都幾乎要refill😛。呢個項目按人頭收費$20。
餐廳定價好抵👍，因為肉類嘅菜式都係百幾蚊就有交易，份量仲要一啲都唔細。食物選擇唔算特別多，主打西餐，有小食、意粉同沙律等等。
冇肉不歡嘅我哋當然要食大量肉肉🍖，諗番起都覺得顛😚。
德國紐倫堡腸拼盤
$158
8 瀏覽
0 讚好
0 留言
德國紐倫堡腸拼盤
$158
4 瀏覽
0 讚好
0 留言
最好食😋嗰款係份量最多、最「大餅」嘅🐷豬肉腸，脆脆腸皮包住好夠味嘅腸餡。另外，估唔到牛肉腸係三款入面口味最淡。黃芥辣有少少刺激🌶，正！
炭燒美國頂級牛柳🥩($168)，牛柳有12安士，比較厚身，並唔係一大片嘅肉眼扒。因此炭燒起上嚟牛肉外面嘅部份會熟少少，但去到中間就真係做到七成熟✅。牛味唔錯，肉質亦算多汁！
伴菜選擇幾多，有成八款揀，我哋要咗意式牛油炒香草薯仔粒🥔($32)同松露炒雜菌🍄($28)。前者如果落埋沙律醬同千島醬等醬汁，就會變得好似西班牙Tapas。後者炒雜菌好惹味，因為真係有好香松露味。
自選意粉：龍蝦汁闊條麵($58)配煙三文魚($18)、珍珠帶子($18)以及蟹籽($8)，食咗咁多肉就食番碟意粉啦🍝。呢度幾特別，可以畀你自行Mix & Match，價錢亦算相宜。煙三文魚最抵嗌，因為真係有大大片。不過龍蝦汁無想像中咁濃，個人認為可以鹹啲。
本身諗住嗌酒，但餐廳有好優惠嘅加配選項，就係加$22有是日餐湯同飲品！可惜今日係我最討厭嘅青豆湯，不過都成碗飲哂😳。
飲品方面，我哋係要咗凍檸茶少甜🍋，喺酒吧唔嗌酒好似真係有點兒那個...🙈，哈哈。不過認真講杯檸茶好飲過茶記好多，完全唔澀。
總括嚟講，呢間酒吧餐廳嘅食物出品唔錯，份量又夠多。三五知己聚埋一齊啤啤佢🍻，食啖腸，確係爽，而且呢度仲有得睇波。環境有少少迫，但氣氛好好，我見有人喺度慶祝生日，電視就會跳去播生日歌🎉。
張貼
