朝

營業中

休息中

久不久都會想去下居酒屋，太子呢間Asa絕對係性價比之選。裝修以黑色為主，襯返黑夜同月亮主題。食物嘅選擇亦非常多。每次都會叫漬物拼盤貪佢可以有唔同漬物選擇。今次就揀咗牛蒡漬同龍蝦沙律。龍蝦啖啖肉加埋脆卜卜嘅蟹籽，特別開胃。螢光魷魚同燒味淋魚乾都係飲酒必備嘅佐酒小食。富士山柚子梳打柚子味濃；日本威酒唔會太甜，威士忌酒底又夠香醇。三點刺身盛大蝦唔止新鮮，仲超大隻，好有咬口。鹽燒白鰻串、月見雞肉棒、雞腎、牛舌，全部串燒都好好食！特別推介芝士年糕同厚燒羊扒，肉汁鮮嫩又大塊，抵食。九點後仲有全單六折，宵夜不妨試試！