影片
更多
2024-03-22
258 瀏覽
🐻今晚朋友聚會8位猛男聚首一堂，係容記小菜王訂左枱食飯聚舊，回顧下往事。🐻一走入小菜王，就感受到老派中菜館既氣息，裝修枱櫈都充滿年代感又不失整潔，一列魚缸滿載新鮮生猛既海鮮，一副不賣弄華麗既裝修擺設，只重視餸菜品質的模樣。🐻前菜先來蜜汁叉燒皇同脆皮燒腩肉，叉燒肥瘦適中，燒得香口，口感一流，蜜汁味又唔會太搶肉味，美中不足係切得太大舊。燒肉做到皮脆肉嫩，肥肉位燒完入口無油膩感只剩下香濃肉香，值得一讚。🐻成班麻甩佬食飯當然要下酒菜，一道七味脆皮豆腐金黃色，做到外脆內軟，而容記第一咀梗係必點，薄薄既脆漿包住飽滿既墨魚咀，真係惹味非常，食完飲啖酒，一個字，爽！🐻之前兩道燒味太出色，所以加點脆皮皇子乳豬同脆皮一品吊燒雞。平時飲宴食既乳豬質素欠佳，今晚既乳豬真係食完番尋味，脆皮配上香濃肥肉加嫩滑既瘦肉，真係三層享受。吊燒雞外表吸引，外皮夠乾身脆口，不過雞肉燒到有啲柴口，略感失望。🐻食左咁多肉當然要整返個菜，翡翠花姿珊瑚蚌配西蘭花，西蘭花爽脆有口感，花姿同蚌就一般貨色。再來個蒜蓉開邊蒸中蝦，中蝦個頭太小，蒜蓉份量多到掩蓋隻中蝦，食落好似食蒜蓉咁。🐻食到咁上下都係要點下酒菜，彈牙鮮蝦餅蝦肉的確彈牙，奇怪
🐻一走入小菜王，就感受到老派中菜館既氣息，裝修枱櫈都充滿年代感又不失整潔，一列魚缸滿載新鮮生猛既海鮮，一副不賣弄華麗既裝修擺設，只重視餸菜品質的模樣。
🐻前菜先來蜜汁叉燒皇同脆皮燒腩肉，叉燒肥瘦適中，燒得香口，口感一流，蜜汁味又唔會太搶肉味，美中不足係切得太大舊。燒肉做到皮脆肉嫩，肥肉位燒完入口無油膩感只剩下香濃肉香，值得一讚。
🐻成班麻甩佬食飯當然要下酒菜，一道七味脆皮豆腐金黃色，做到外脆內軟，而容記第一咀梗係必點，薄薄既脆漿包住飽滿既墨魚咀，真係惹味非常，食完飲啖酒，一個字，爽！
🐻之前兩道燒味太出色，所以加點脆皮皇子乳豬同脆皮一品吊燒雞。平時飲宴食既乳豬質素欠佳，今晚既乳豬真係食完番尋味，脆皮配上香濃肥肉加嫩滑既瘦肉，真係三層享受。吊燒雞外表吸引，外皮夠乾身脆口，不過雞肉燒到有啲柴口，略感失望。
🐻食左咁多肉當然要整返個菜，翡翠花姿珊瑚蚌配西蘭花，西蘭花爽脆有口感，花姿同蚌就一般貨色。再來個蒜蓉開邊蒸中蝦，中蝦個頭太小，蒜蓉份量多到掩蓋隻中蝦，食落好似食蒜蓉咁。
🐻食到咁上下都係要點下酒菜，彈牙鮮蝦餅蝦肉的確彈牙，奇怪在食落好重咸香味，完全遮蓋蝦肉既味道，味道有啲奇特。幸好黃金鮮魷挽回分數，容記既炸物真係出色，炸粉薄脆配上咸香蛋黃，咬開脆皮就係彈牙既魷魚，一道完美既下酒菜。
🐻8個大男人飲飽食醉都係300零蚊一位，雖然有個別菜式失準，但總括來講都係有質素，容記小菜王都係值得一試。
張貼
