朝

營業中

休息中

太子呢間隱世日式居酒屋，間唔中就會去幫襯，主打串燒、小食、刺身，餐廳環境舒服好坐，啱晒同朋友傾偈飲嘢。清酒煮蜆（$88）- 蜆肉份量多，大大隻，入口好鮮味，配埋清甜嘅湯底，鍾意食蜆嘅朋友唔好錯過。燒味醂魚乾（$88）- 魚乾燒得好香，點埋沙律醬，酸酸甜甜，好啱一邊飲野，一邊傾偈。明太子玉子燒 （$108）- 玉子燒得非常滑溜，帶好香嘅蛋味，加埋明太子醬一齊食，味道非常好層次感。串燒方面點咗牛舌（$98）、豚肉露筍卷（$68）、青椒仔（$38），全部都燒得香脆，入口惹味。當中特別推介牛舌，入口有咬口，富彈性，質素唔錯。月見雞肉棒（$48@）- 雞肉棒燒得熱辣辣，肉味香濃，加埋濃郁嘅日本蛋，好正。燒飯團（$32@）及日本番薯（$38）- 要讚下兩款食物都燒得非常之美味及香脆。燒飯團帶微微飯焦香味，而番薯則入口非常香甜。