更多
2024-09-23
0 瀏覽
頭先倒水咁落雨,入咗太安樓避雨,見到呢間台灣飲品店好多人等,埋去望一望,見到佢哋啲款式超級多,天氣咁鬼死熱,同兩個朋友一人買咗杯嚟試吓。奶蓋茉莉綠那堤 $33採用日本純牛奶沖泡,茶香奶香完美結合,奶蓋口感綿密,味道鹹鹹地好好飲,茉莉綠茶香味撲鼻,茶底好濃郁。可可Oreo沙冰 $32一見到呢杯真係嘩咗聲,估唔到沙冰都可以整到虎紋咁,原來係加入咗鮮奶整成,視覺效果好靚,飲落朱古力味好香唔會太甜,面層仲加咗大量Oreo 碎,口感豐富,就算啲沙冰溶晒都好好飲。蜂蜜莓果茶 $29蜂蜜味重,酸酸地好消暑,無額外添加糖,適合愛健康同怕甜人士。
張貼