大諾亞飲品

營業中

休息中

太安樓多美食就出哂名、台式飲品亦都係開到成行成市，要突圍而出就要有特色。今日同事請飲野🍻，佢話呢間大諾亞唔錯，所以就3個人一齊SHARE飲，試多D唔同既味😝。呢間飲品睇黎係重點賣蜜糖類飲品，佢地門口仲有個位畀大家試飲，睇黎對自己出品幾有信心👍。蜂蜜奶蓋綠那堤 ✨🅰️🅰️🅰️🅰️🅰️✨呢杯飲到淡淡地蜜糖既清甜味，配埋奶蓋獨有既咸香同奶香，成杯好有層次感🤩。手打檸檬蜂蜜莉莉絲 🅰️🅰️🅰️🅰️🅰️檸檬既單寧味加埋蜜糖就好清新好refreshing，就算有其他既糖水味，但係都飲到蜜糖既香，酸酸甜甜，大熱天時就適合啦🏖️！極品金宣青茶 🅰️🅰️🅰️🅰️呢杯好適合鍾意茶味既朋友，我同事今次叫左半糖，我試飲左少少，飲到係茶香突出，少少甜岩岩好帶出個茶味🍵。佢地呢隻仲有得係門口試飲，似乎都係佢地信心既作品🥳。一開始講要係太安樓突圍就要有特色，我覺得呢間都算係其中一間做到既舖頭，大家黎開太安樓買野食可以順便黎買返杯，尤其係呢家咁熱🔥🥵🔥，一杯清新既蜜糖類飲品就更加消暑啦🧊。#chillchill_aloye#大諾亞#台式飲料#台式手搖#手搖#太安樓#蜜糖#蜜糖飲品#手打檸檬茶