泰太廚房

營業中

休息中

成日都去食大尾督的泰國菜，去親都係單車埔對面果幾間，今次試下遠少少的泰太廚房，講下個環境，可以選擇坐室內或室外，由於呢幾日唔熱，所以我地選擇左室外，由於唔太多車，在涼風輕送的環境下吹水、食野格外好味。今次我哋食咗9個餸，樣樣都好好食，不過呢兩個餸最令我深刻印象，原因係：隻蝦真係好大隻，初頭以為係龍蝦，但睇真啲係大頭蝦，真係好搶眼。 而另一個海鮮咖哩麵包，外皮脆、包肉鬆軟，而且個主力咖哩香甜，唔係得個辣字。餐廳共有6個車位，如果要泊車真係要早啲到，如果唔係就要泊去大尾督錶位。