星巴克咖啡 (已結業)

返通宵前都未食晚飯，在東涌急急去咖啡店食飯兼嘆咖啡☕️，呢間咖啡店剛剛裝修完，有室外同室內位，我哋坐室內位置，先去櫃臺落單，我用儲分卡比錢，過程順暢，企一陣等到出埋咖啡先攞晒所有野，去位同朋友一齊食，香烤彩虹田園蔬菜沙律（$54）預製食品，包裝企理，蔬菜款式多，我減肥無落調味都好食，健康晚餐Flat White($38/中杯）習慣打開杯蓋影咖啡，結果發現好淡色好偏白，已心知不妙，飲一啖全口都奶味，飲唔出咖啡味，當時忍不住去櫃臺同落單男店員講（女店員沖咖啡）男店員即時將我杯咖啡倒咗，再叫另一位男店員沖過一杯比我，第二杯咖啡味正常無太淡嘅問題店員處理問題爽手，有禮斯文同朋友坐低傾偈，環境舒服！