玻璃屋

營業中

休息中

今日終於有幸一試喺元朗為食page俾人追捧得天上有地下無嘅神級椒鹽豬扒飯炒底。呢間就係位於教育路嘅《玻璃屋》。 由於齋食豬扒太寡， 所以就要咗椒鹽雜扒飯炒底。 不到兩分鐘， 個飯就送到嚟。不得不懷疑係咪事先炒好一大鑊， 是第一口雞扒....um... 唔熱㗎。伏味有啲重， 感覺似將頭頭尾尾嘅腸仔火腿豬扒雞扒炒埋一堆。 而且味道方面亦冇睇到咁惹味， 以為紅紅綠綠又多蒜一定好香， 食落不外如是。由於外面有枱， 戶外嘅吸煙人士間接將佢哋嘅二手煙吹入餐廳， 可憐嘅我哋被迫食二手煙。