影片
更多
2016-01-10
239 瀏覽
嚟得葵芳，食得卷X屋，點會唔嚟埋地下嚐新呢？ 其實公主我係有選擇困難症，有咁多款刺身揀都唔知點揀好，於是就揀咗四合一嘅問卷王——三文魚、海膽、虎蝦同蟹子。佢好聰明地整咗啲公仔牌，等你買完可以行埋一二邊企開等，唔洗好似樓上果間咁堆咗一大棚人，直頭迫唔到埋去買同落order。好喇，等咗一陣問卷王到手。第一時間食咗隻虎蝦先，好爽而且蝦味尚算濃。但可能太雜嘅關係，公主我唔係好食得出三文魚嘅肥美同味道，味道完全俾蟹子搶走晒。同埋海膽份量相對少，唔係好食得出香味。另外其實佢仲有好幾款沙律醬、紫菜沙律醬、蜜糖芥末醬⋯⋯今次無試因為覺得呢啲應該係for炸物或炸卷類，下次有機會要試試先。總括而言，$32有齊四款刺身算係相當親民，但係咪食得出每款味又係另一回事⋯⋯
其實公主我係有選擇困難症，有咁多款刺身揀都唔知點揀好，於是就揀咗四合一嘅問卷王——三文魚、海膽、虎蝦同蟹子。
佢好聰明地整咗啲公仔牌，等你買完可以行埋一二邊企開等，唔洗好似樓上果間咁堆咗一大棚人，直頭迫唔到埋去買同落order。
好喇，等咗一陣問卷王到手。第一時間食咗隻虎蝦先，好爽而且蝦味尚算濃。但可能太雜嘅關係，公主我唔係好食得出三文魚嘅肥美同味道，味道完全俾蟹子搶走晒。同埋海膽份量相對少，唔係好食得出香味。
另外其實佢仲有好幾款沙律醬、紫菜沙律醬、蜜糖芥末醬⋯⋯今次無試因為覺得呢啲應該係for炸物或炸卷類，下次有機會要試試先。
總括而言，$32有齊四款刺身算係相當親民，但係咪食得出每款味又係另一回事⋯⋯
張貼
