富豪燒臘飯店 (已結業)

星期六晚同家人食飯，諗住買外賣加餸，見foodpanda有得叫外賣，懶懶地咪諗住叫囉。點知落咗單，家人就話之前已經衰過一次。點知，大家睇吓相都明，唔得囉。半隻黑椒燒鵝減咗價都要$236 。半隻燒鵝跟一杯黑椒汁。完全難食，皮好似A4紙，完全唔香，鵝無鵝味，都唔知點可以拎出嚟賣。最特別，隻鵝少少肥都無。仲話係招牌菜，少少黑椒味都無。燒肉半斤$90 淨係睇都知唔係路，完全唔似燒過。一樣無味，仲衰過自家製燒肉失敗個案。