日作食堂

營業中

休息中

尋日第一次同朋友去呢間觀塘日本餐廳食午餐，去到侍應話要等半小時但係我哋見到有吉枱，侍應話唔夠人手其實我唔知道係講樓面定係廚房，如果唔係天氣太熱我晨早走人，後尾雖然唔使等半個鐘就可以坐低食嘢，但係一見到我份招牌厚切吉列北海道豚肉扒定食上枱，已經想即時退餐走人，啲麵包糠甩晒豬扒Overcooked深色到幾乎係黑色見到個樣已經唔想食，但係朋友話佢嗰份牛舌OK，後尾我唯有咬走晒面頭啲炸漿淨係食塊厚切豬扒，質素好一般，真心唔明佢憑乜嘢收我180幾蚊，服務麻麻食物質素又差，條氣實在太chok，所以一定要寫呢個食評，希望大家唔好中伏，而家終於都明點解咁多香港人鍾意返大陸食嘢話上面服務好、食物質素高啦