打者愛也火煱專門店 (已結業)

以前嚟過覺得幾好，但今晚嘅火鍋實在失望。唔知係咪因為水準下降所以成晚都係得三枱客咁大把！雖然食物唔係話好好，但其中一店員服務可讚！佢會主動幫我哋𢳂起湯面d油同泡，叫親攞嘢都好快手有禮貌。講番食物，湯底叫鴛鴦鍋(豬骨+沙爹)，豬骨湯咸味重，湯裡面嘅蘿蔔唔甜，沙爹果邊又無咩沙爹味又浠。聖子皇-可能洗得唔乾淨，有d內臟腥味。蝦滑-唔夠彈牙，打得唔夠起膠。豬天梯-又係有種內臟腥騷味。魚片頭-幾好食，炸得夠。魚旦都算彈牙爽口。西洋菜都算新鮮唔會老。牛肉-有牛味不過不失。響鈴正常ok。蟹柳ok, 係大條果d唔會似食麵粉咁。午餐肉本身無炸嘅，朋友要求想炸咗先再滾，店員都樂意幫手，今晚真係服務分搭夠。 呢個價錢可以選擇去其他店食！